पालघर - मुंबई-अहमदाबाद राष्ट्रीय महामार्गावर काच वाहतूक करणाऱ्या ट्रकचा भीषण अपघात झाला आहे. यात 3 मजुरांचा जागीच मृत्यू झाला असून 5 जण जखमी झाले आहेत. तलासरी तालुक्यातील वडवली गावाजवळ ही घटना घडली. जखमींना रुग्णालयात दाखल करण्यात आले आहे.
मुंबई-अहमदाबाद महामार्गावर ट्रक आणि कंटेनरचा भीषण अपघात
मुंबई-अहमदाबाद महामार्गावर गुजरातहून मुंबईच्या दिशेने जाणाऱ्या ट्रकचे अचानक स्टेरिंग लॉक झाले. यादरम्यान मागून येणाऱ्या कंटेनरने ट्रकला जोरदार धडक दिल्याने हा अपघात झाला. रात्री साडेतीनच्या सुमारास हा अपघात घडला आहे. या अपघातात तीन मजुरांचा दुर्दैवी मृत्यू झाला असून पाचजण गंभीर जखमी झाले. जखमींना उपचारासाठी तलासरी येथील रुग्णालयात दाखल करण्यात आले आहे.