पालघर/ वसई - स्थानिक गुन्हे शाखा वसई युनिटकडून नालासोपारा अलकापुरी येथे संतोष मदनबाबू नायर या व्यक्तीकडून चार गावठी कट्टे व आठ जिवंत काडतूसे हस्तगत केली आहेत. सदरची कारवाई स्थानिक गुन्हे शाखेचे प्रभारी अधिकारी जितेंद्र वनकोटी व स्थानिक गुन्हे शाखेच्या सिद्धवा जायभाये यांच्या पथकाने केली आहे. या शस्त्रांची किंमत 41 हजार 600रुपये आहे. दोनच दिवसांपूर्वी बहुजन विकास आघाडी पक्षाचे उमेदवार हितेंद्र ठाकूर यांनी विधानसभा निवडणुकीच्या रणधुमाळीत घातपात घडवला जाणार असल्याची माहिती प्रसारमाध्यमांना दिली होती.
वसईत फळविक्रेत्याकडून गावठी कट्ट्यांसह जिवंत काडतूसे हस्तगत