पालघर (वाडा) - जिल्ह्यातील वाडा तालुक्यातील बिलोशी येथील देव-टेक (इंडिया), देव-फेम इंड्रस्ट्रीज या कंपनीतील 33 कामगारांना कामावरून काढून टाकण्यात आले, याच्या निषेधार्थ सहा कामगारांनी वाडा तहसीलदार कार्यालयासमोर आमरण उपोषण सुरू केले आहे.
कंपन्यांच्या मनमानी कारभाराविरोधात वाडा तहसील कार्यालयासमोर कामगारांचे आमरण उपोषण सुरू
वाडा तालुक्यातील बिलोशी जवळच्या देव टेक-फेम इंड्रस्ट्रीज या कंपनीने 22 जूनपासून 33 कामगारांना कामावरून काढून टाकले. यातील सहा कामगारांनी वाडा तहसीलदार कार्यालयासमोर आमरण उपोषण सुरू केले आहे. कंपनीत कामगार युनियन सुरू केल्याचा राग म्हणून आपल्याला कामावरून काढून टाकण्यात आल्याची माहिती उपोषणास बसलेल्या एका कामगाराने ईटीव्ही भारतसोबत बोलताना सांगितले आहे. या सहा कामगारांनी उपोषण सुरू केले आहे तर उर्वरित कामगारांनी या उपोषणकर्त्यांना पाठिंबा दिला आहे.