पालघर- अरबी समुद्रात कमी दाबाचा पट्टा निर्माण झाल्याने कोकण किनारपट्टीवर निसर्ग चक्रीवादळ धडकण्याची शक्यता वतर्वण्यात येत आहे. हे चक्रीवादळ किनारपट्टीवर धडकल्यास जोरदार वाऱ्यांसह पावसाचाही तडाखा बसणार आहे. त्यामुळे किनारपट्टीवरील नागरिकांना प्रशासनाच्या वतीने सुरक्षितस्थळी हलवण्यात येत आहे. पालघर जिल्ह्यातील तब्बल २१ हजार नागरिकांना सुरक्षितस्थळी हलवण्याची गरज आहे.
किनारपट्टी परिसरात राहणाऱ्या २१ हजार नागरिकांना सुरक्षितस्थळी हलवण्याची गरज असल्याची माहिती जिल्हाधिकारी कैलास शिंदे यांनी दिली आहे. या नागरिकांना सुरक्षितस्थळी असलेल्या निवारागृहात सोशल डिस्टन्सचे पालन करण्यात येईल. त्यांना मास्क, सॅनिटायझरची व्यवस्था करण्यात आल्याची माहितीही शिंदे यांनी यावेळी दिली.