वसई-विरारमध्ये मंगळवारी आढळले 139 नवे कोरोना रुग्ण; 4 जणांचा बळी

वसई - विरारमध्ये मंगळवारी एकाच दिवसात 139 नवे कोरोना पॉझिटिव्ह रुग्ण आढळून आल्याने नागरिकांच्या चिंतेत भर पडली आहे. तर आज (मंगळवारी) दिवसभरात 4 रुग्णांचा कोरोनामुळे उपचारादरम्यान मृत्यू झाला आहे. 92 रुग्णांनी कोरोनावर मात केली असून त्यांना डिस्चार्ज देण्यात आला आहे.

पालघर - येथील संपूर्ण वसई-विरार महानगरपालिका क्षेत्रात सध्या कोरोनाने थैमान घातले आहे. वसई - विरारमध्ये मंगळवारी एकाच दिवसात 139 नवे कोरोना पॉझिटिव्ह रुग्ण आढळून आल्याने नागरिकांच्या चिंतेत भर पडली आहे. तर आज (मंगळवारी) दिवसभरात 4 रुग्णांचा कोरोनामुळे उपचारादरम्यान मृत्यू झाला आहे. 92 रुग्णांनी कोरोनावर मात केली असून त्यांना डिस्चार्ज देण्यात आला आहे.

मंगळवारी आलेल्या कोरोना चाचणीच्या अहवालानंतर वसई-विरार महानगरपालिका क्षेत्रातील एकूण कोरोना रुग्णांची संख्या 2 हजार 348 वर जाऊन पोहोचली आहे. वसई विरारमध्ये आतापर्यंत एकूण 93 रुग्णांचा कोरोनामुळे उपचार घेत असताना मृत्यू झाला आहे. पालिका क्षेत्रात आतापर्यंत 1 हजार 370 रुग्ण कोरोनातून पूर्णपणे बरे झाल्याने त्यांना रुग्णालयातून डिस्चार्ज देण्यात आला आहे. तर, सध्या अ‌ॅक्टीव्ह कोरोनाबाधित रुग्णांची संख्या ही 885 असून त्यांच्यावर रुग्णालयांमध्ये उपचार सुरू आहेत.