वसई-विरार (पालघर) - वसई-विरार महानगरपालिका क्षेत्रात सध्या कोरोनाने थैमान घातले आहे. गुरुवारी वसई-विरारमध्ये एका दिवसात 301 नवे कोरोना पॉझिटिव्ह रुग्ण आढळून आल्याने नागरिकांच्या चिंतेत भर पडली आहे. गुरुवारी दिवसभरात उपचारादरम्यान 2 रुग्णांचा मृत्यू झाला आहे. यशस्वी उपचारानंतर 117 रुग्णांनी कोरोनावर मात केली असून त्यांना डिस्चार्ज देण्यात आला आहे.
वसई-विरार महानगरपालिका क्षेत्रातील एकूण कोरोना रुग्णांची संख्या 9 हजार 61 वर पोहोचली आहे. वसई विरारमध्ये आतापर्यंत एकूण 179 कोरोनाबाधित रुग्णांचा उपचार घेत असताना मृत्यू झाला आहे. पालिका क्षेत्रात आतापर्यंत 6 हजार 118 रुग्ण कोरोनातून पूर्णपणे बरे झाल्याने त्यांना रुग्णालयातून डिस्चार्ज देण्यात आला आहे. सध्या 2 हजार 764 कोरोनाबाधित रुग्णांवर रुग्णालयात उपचार सुरू आहेत.