वसई-विरारमध्ये 24 तासांत 93 कोरोना पॉझिटिव्ह रुग्ण, एकूण संख्या 1 हजार 476

वसई-विरार महानगरपालिका क्षेत्रात आज 93 नवे कोरोना पॉझिटिव्ह रुग्ण आढळून आले आहेत. त्यामुळे वसई-विरार महानगरपालिका क्षेत्रातील एकूण कोरोना रुग्णांची संख्या 1 हजार 476 झाली आहे.

पालघर - सध्या कोरोनाने संपूर्ण वसई-विरार महानगरपालिका क्षेत्रात थैमान घातले आहे. आज (शनिवार) या परिसरात 93 नवे कोरोना पॉझिटिव्ह रुग्ण आढळून आले आहेत. तर 4 रुग्णांचा उपचारादरम्यान मृत्यू झाला आहे. तसेच, आज 16 रुग्णांनी कोरोनावर मात केली असून, त्यांना डिस्चार्ज देण्यात आला आहे.

आज 93 नवीन कोरोनाग्रस्तांची नोंद झाल्याने वसई-विरार महानगरपालिका क्षेत्रातील एकूण कोरोना रुग्णांची संख्या 1 हजार 476 झाली आहे. तर आतापर्यंत एकूण 53 रुग्णांचा उपचारादरम्यान मृत्यू झाला आहे. क्षेत्रात आतापर्यंत 744 रुग्णांनी कोरोनावर मात केली असून, त्या सर्वांना डिस्चार्ज देण्यात आला आहे. तर उर्वरित 679 कोरोनाबाधित रुग्णांवर उपचार सुरू आहेत.