पालघर -मुंबई-अहमदाबाद महामार्गावर खाद्यतेलाच्या टँकरचा अपघात झाला आहे. तेल गोळा करण्यासाठी भांडीकुंडी, हांडे, कॅन घेऊन स्थानिकांची झुंबड उडाली आहे. गळती होणारे तेल गोळा करण्यासाठी लगतच्या भागातील रहिवाशांनी घरातील भांडीकुंडी, हंडे, कॅन घेऊन अपघातग्रस्त ठिकाणी मोठी गर्दी केल्याचे चित्र पहायला मिळत आहे.
मुंबई-अहमदाबाद राष्ट्रीय महामार्गावर खाद्यतेल (गोड तेल) घेऊन जाणारा टँकरचा तवा व सोमटा या पालघर तालुक्यातील गावाजवळ अपघात झाला. अपघातानंतर टँकरमधून तेल गळती सुरू झाल्यानंतर तेल गोळा करुन घेऊन जाण्यासाठी गावकऱ्यांच्या झुंबड उडाली आहे. दोन दिवसांपूर्वी द्रव्य रूपातील अमोनिया टँकरचा अपघात घडला होता. दरम्यान त्याच काही अंतरावर गुजरातकडून मुंबईकडे जाणाऱ्या मार्गिकेवर खाद्यतेल घेऊन जाणाऱ्या या ट्रकचा अपघात घडला आहे. सकाळी सात वाजण्याच्या सुमारास टँकर पलटल्यानंतर त्यामधून तेल गळती सुरू झाली असून तेल रस्त्यालगत खड्ड्यामध्ये गोळा होत आहे.
हेही वाचा - Lal Mahal : लाल महाल लावणी प्रकरण.. वैष्णवी पाटीलसह तिघांवर गुन्हा दाखल
