डहाणू-तलासरी परिसरात आज पुन्हा बसला भूकंपाचा धक्का

जिल्ह्यातील डहाणू, तलासरी परिसरात भूकंप धक्क्यांचे सत्र पुन्हा सुरू झाले आहे. सोमवारी सकाळी 8 वाजून 7 मिनिटांनी 3.5 रिश्‍टर स्केल तीव्रतेचा भूकंपाचा धक्का बसला होता. तर, आज सकाळी 9.50 वाजता पुन्हा 3.8 रिश्‍टर स्केल तीव्रतेचा धक्का बसला आहे.

पालघर :जिल्ह्यातील डहाणू, तलासरी परिसरात भूकंपाच्या धक्क्यांचे सत्र सुरूच असून आज (मंगळवार) सकाळी 9.50 वाजता भूकंपाचा धक्का बसला. या भूकंपाची तीव्रता 3.8 रिश्‍टर स्केल इतकी नोंदवण्यात आली. डहाणू, कासा, धुंदलवाडी, चिंचले, तलासरी व आसपासच्या परिसरात परिसरात हा भूकंपाचा धक्का जाणवला.

पालघर जिल्ह्यातील डहाणू, तलासरी परिसरात भूकंप धक्क्यांचे सत्र पुन्हा सुरू झाले आहे. सोमवारी सकाळी 8 वाजून 7 मिनिटांनी 3.5 रिश्‍टर स्केल तीव्रतेचा भूकंपाचा धक्का बसला. तर, शुक्रवारी 2.8, 3.6 व 4.0 रिश्टर स्केल तीव्रतेचे तीन धक्के बसले. भूकंपाच्या धक्क्यांमुळे या परिसरातील अनेक घरांचे मोठे नुकसान झाले आहे. दरम्यान, आज सकाळी 9.50 वाजता पुन्हा 3.8 रिश्‍टर स्केल तीव्रतेचा धक्का बसला. मात्र, या धक्क्यामुळे कोणतीही हानी झाल्याची माहिती समोर आलेली नाही.

पालघर जिल्ह्यातील डहाणू, तलासरी भागात नोव्हेंबर 2018पासून या भूकंपाचे धक्के जाणवत आहेत. पावसाळ्याच्या दरम्यान धक्के बसत नव्हते. मात्र, गेल्या 15 दिवसांपासून भूकंपाच्या धक्क्यांचे सत्र पुन्हा सुरू झाल्याने या भागातील नागरिकांमध्ये भीतीचे वातावरण पसरले आहे.

हेही वाचा -डहाणू-तलासरी परिसरात बसला 3.5 रीश्‍टर स्केल तीव्रतेचा भूकंपाचा धक्का