पालघर (वाडा) - पालघर जिल्ह्यातील धरणांमधील जलपातळीत वाढ होत आहे. त्यामुळे धरणांतून मोठ्या प्रमाणात पाण्याचा विसर्ग सुरू आहे. तानसा, वैतरणा आणि पिंजाळ नदीला पुरपरिस्थिती निर्माण झाली आहे. तसेच नदीकाठच्या गावांना सतर्कतेचा इशाराही देण्यात आला आहे.
वाडा आणि विक्रमगड तालुक्यात रविवारी 305 मिमी पावसाची नोंद करण्यात आली आहे. धामणी धरणातून सुर्यानदीमध्ये 42 हजार 500 क्यूसेक पाण्याचा विसर्ग होत आहे. तर कवडास धरणातून 16 हजार क्यूसेक पाण्याचा विसर्ग होत आहे. पावसाचा जोर असाच राहिला तर अधिक पाण्याचा विसर्ग होऊ शकतो. त्यामुळे आपत्ती व्यवस्थापनाकडून नदी काठच्या गावांना सतर्कतेचा इशारा देण्यात आला आहे.
