पालघर (वाडा ) - रुग्णवाहीकेतून गावठी दारु टायर्सच्या ट्यूबमधून टाकून अवैधरीत्या वाहतूक करणाऱ्याला मुंबई-अहमदाबाद राष्ट्रीय महामार्गावरील मालजी पाडा येथे अटक केली. आरोपीचे नाव प्रेम मोर्या असे आहे.
पालघर जिल्ह्यात वालीव पोलिसांना मुंबई-अहमदाबाद राष्ट्रीय महामार्गावरील मालजी पाडा अवैध पणे दारुची वाहतूक करत असल्याची गुप्त माहिती हाती आली होती. त्यानुसार सापळा रचन्यात आला होता. मालजी पाडा गावातून पांढऱ्या रंगाची एक रुग्णवाहिका ( एम एच 04 एफ के 1886) संशयास्पद बाहेर निघाल्याने पोलिसांनी या गाडीची तपासणी केली. या रुग्णवाहिकेत तीन रबरी ट्यूब मध्ये ४८० लिटर गावठी दारूचा साठा जप्त करण्यात आला. चालक प्रेम नारायण मौर्या वालीव पोलिसांनी याला अटक केली.