नालासोपाऱ्यात उघड्या गटारात पडून ६ वर्षीय चिमुकला गेला वाहून, शोधकार्य सुरू

नालासोपारा येथे 6 वर्षीय चिमुकला गटारीत पडल्याची घटना घडली.

पालघर- नालासोपारा पूर्वेकडील संतोष भुवन येथे एक ६ वर्षाचा मुलगा उघड्या गटारात वाहून गेल्याची घटना घडली आहे. या मुलाचा शोध वसई विरार शहर महानगरपालिकेचे अग्निशमन दल घेत आहे.

हेही वाचा-हरतालिका विसर्जन करताना चार जण नदीत बुडाले; एका महिलेचा मृत्यू तर 3 जण बेपत्ता

अबू बखर, असे या नाल्यात पडलेल्या मुलाचे नाव आहे. संतोष भुवन येथील मुख्य रस्त्यावर पाण्याचे प्रमाण वाढले होते. त्यामुळे गटाराचे झाकण निघाले होते. त्यावेळी संध्याकाळी साडेपाचच्या सुमारास 6 वर्षाचा मुलगा गटारात वाहून गेला. या मुलाचा शोध घेण्याचा प्रयत्न अग्निशमन दलाचे जवान करत आहेत. तर महानगरपलिकेच्या निष्काळजीपणामुळेच मुलगा गटारीत पडल्याचा आरोप नातेवाईकांनी केला आहे.

हेही वाचा-दुथडी भरून वाहणारी नदी ओलांडताना तरुण गेला वाहून