पालघर - तारापोरवाला मत्स्यालयातील ग्रीन सी जातीच्या मादी कासवाला महिला दिनी डहाणुच्या समुद्रात सोडण्यात आले. या कासवाचे नाव तारा असे आहे. काही दिवसांपासून ती पोटाच्या आजाराने त्रस्त होती. जवळपास ५ महिने तिच्यावर उपचार करण्यात आले. शेवटी तिला समुद्रात सोडण्यात आले.
तारा कासव व्हीडिओ
तारापोरवाला मत्स्यालयात ३ वर्षांची मादी कासव होती. ग्रीन सी जातीची ही कासव काही दिवसांपासून पोटाच्या आजाराने त्रस्त होती. त्यामुळे तिला वन विभागाच्या सुश्रुषा केंद्रात पाठवण्यात आले. येथे वाईल्ड लाईफ कन्झर्वेशन अँड अॅनिमल वेल्फेअर असोसिएशन (डब्ल्यूसीएडब्ल्यू) या संस्थेकडून डॉ. विन्हेकर यांनी तिच्यावर उपचार केले. या संस्थेतर्फेच तिचे नामकरण तारा असे करण्यात आले.