पालघर- नालासोपारा, वसई, विरार भागात मोटारसायकल चोरी करणाऱ्या दोघांना नालासोपारा पोलिसांनी अटक केली आहे. त्यांच्याकडून 12 मोटारसायकल हस्तगत करण्यात आल्या आहेत. अमन आरिफ शेख (वय19) संदिप वसंत रसाळ (वय 27)अशी या अटक केलेल्या आरोपींची नावे आहेत.
पालघरमध्ये मोटरसायकल चोरी करणारे दोघे गजाआड, 12 दुचाकी जप्त
नालासोपारा, वसई-विरार भागात अनेक दिवसांपासून मोटारसायकल चोरीच्या घटनांत वाढ झाली होती. त्यानंतर नालासोपारा पोलिसांनी विशेष पथक तयार करून याबाबत तपास व शोध सुरू केला. यादरम्यान एक व्यक्ती नालासोपारा श्रीप्रस्था, फोर्थ रोड येथे दुचाकी विक्रीसाठी येणार असल्याची माहिती नालासोपारा पोलिसांना मिळाली.