उस्मानाबाद- काळाच्या ओघात वाचन संस्कृतीमध्ये आमूलाग्र बदल झाला आहे. वाचनाची आवड कायम असली तरी माध्यमे बदलत आहेत. सोशल मीडिया ज्या प्रमाणात वाढत आहे त्याचा अतिरेक होऊन पुन्हा तरुण देखील पुस्तकाची पाने चाळताना दिसतील, असा विश्वास साहित्य संमेलनात सहभागी झालेल्या प्रकाशकांनी व्यक्त केला आहे. तसे बदल पाश्चिमात्य देशात पाहवयासही मिळत आहे.
गेल्या दशकभरात वाचक संस्कृतीमध्ये काय बदल झालेत याबाबत साहित्य संमेलनातील प्रकाशकांकडून माहिती घेताना 'ईटीव्ही भारत' प्रतिनिधी
दहा वर्षांपूर्वीची स्थिती ही वेगळी होती. प्रकाशकांना लेखकांकडून पुस्तके मिळविण्याबाबत चिंता असायची. लेखकाला मानधन देऊन त्यांची पुस्तके प्रकाशन संस्थेमध्ये ठेवली जात होती. आणि संमेलनाच्याच ठिकाणी लेखक उपस्थित राहून पुस्तक खरेदी कारणाऱ्यांना पुस्तकावर स्वाक्षरी देत असत. त्यामुळे, वाचकांचा उत्साह वाढत होता. शिवाय, प्रकाशकांनाही अधिकची विक्री होत असल्याने त्याचा फायदा होत होता.