उस्मानाबाद -ग्रामपंचायत निवडणुकीचे बिगुल वाजले असून गाव पुढारी निवडणुक प्रचाराच्या तयारीला लागले आहेत. मात्र, निवडणूक विभाग गोंधळात सापडला असल्याचे पाहायला मिळत आहे. ग्रामपंचायत निवडणूक निर्णय अधिकाऱ्यांनी दाऊतपुरच्या उमेदवारांना दोन वेगवेगळी चिन्ह दिली आहेत. याप्रकरणी माहिती अधिकार कार्यकर्ते बाळासाहेब सुभेदार यांनी थेट निवडणूक निर्णय अधिकाऱ्यांकडे यांची तक्रार केली आहे. हा घोळ तहसीलदार आणि निवडणूक अधिकारी या दोघांनी घातला असल्याचा आरोप सुभेदार यांनी केला आहे. सुभेदार यांनी दिलेल्या तक्रारीत म्हटले आहे की एकाच उमेदवारास दोन-दोन निवडणूक चिन्ह दिले आहेत त्यामुळे मतदारच नाही तर खुद्द उमेदवारही संभ्रमावस्थेत आहेत.
दाऊतपुर येथील एकाच उमेदवारास दोन दोन निवडणूक चिन्ह