उस्मानाबाद - जिल्ह्यामध्ये वाळू माफियांनी पुन्हा उच्छाद मांडला आहे. वाळू उपसा करणाऱ्या वाळू माफियांवरती कारवाई करण्यासाठी गेलेले तहसीलदार अनिल हेळकर यांच्या अंगावर ट्रॅक्टर घालून त्यांना जिवंत मारण्याचा प्रयत्न करण्यात आला. परांडा तालुक्यातील सीना प्रकल्पात हा प्रकार घडला.
तहसीलदारांच्या अंगावर चढवला ट्रॅक्टर
शनिवारी पहाटे ही घटना घडली. तहसीलदार अनिल हेळकर यांना उपचारासाठी बार्शी येथील मामासाहेब जगदाळे रुग्णालयात दाखल करण्यात आले आहे. सीना प्रकल्पात बेकायदेशीर वाळू उपसा सुरू असल्याची माहिती तहसील विभागाला मिळाली होती. त्यानुसार तहसीलदार अनिल हेळकर हे कारवाई करण्यासाठी गेले.