उस्मानाबाद -साहित्य संमेलनाच्या दुसऱ्या दिवसाची सुरूवात कवी कट्ट्याने झाली. या कवी संमेलनात कवींनी शेतकऱ्यांची व्यथा आणि सध्याची शासकीय व्यवस्था तसेच सीमेवर लढणाऱ्या सैनिकांवर कविता सादर केल्या. यावेळी सर्व कवींचा सत्कार करून सन्मान करण्यात आला.
साहित्य संमेलन : कवी कट्ट्यात शेतकऱ्यांच्या व्यथा अन भ्रष्ट व्यवस्थेचे दर्शन
या कवी संमेलनात चैत्राली जोगळेकर यांनी प्रत्येक वयोवृद्धात मला आपले बाबा दिसत असल्याचे सांगून घरात आणि समाजात वडिलांचे काय महत्त्व आहे हे पटवून दिले. घराला वृक्षाप्रमाणे सावली देणारा बाबा प्रत्येक घरात गरजेचा असतो. प्रत्येक वयोवृद्धात दिसतो एक बाबा म्हणत त्यांनी सर्वांना भावनिक केले. तर स्वप्नील कुलकर्णी यांनी शेतकऱ्यांची व्यथा आपल्या कवितेतून मांडली.