उस्मानाबाद - शहरातून जाणाऱ्या तुळजापूर-औरंगाबाद या मार्गासह इतर रस्त्यांवर फिरणाऱ्या मोकाट जनावरांचे प्रमाणात वाढले आहे. ही जनावरे रस्त्यावरच ठाण मांडत असल्याने वाहतुकीला अडथळा निर्माण होतो. यामुळेच लहान-मोठे अपघातही घडत आहेत.
मोकाट फिरणाऱ्या जनावरांच्या मालकांविरुद्ध कडक कारवाई करण्याचे आदेश
मोकाट जनावरे पकडण्यासाठी पालिकेने पथक नेमले आहे. मात्र, मोकाट जनावरांचा उपद्रव कमी झालेला नाही. त्यामुळे उस्मानाबाद नगरपालिकेत झालेल्या सर्वसाधारण सभेत मोकाट जनावरांच्या मालकांविरुद्ध खटले भरण्याचा निर्णय घेण्यात आला. नगराध्यक्ष मकरंद राजे निंबाळकर यांच्या अध्यक्षतेखाली झालेल्या बैठकीत मोकाट जनावरांचा मुद्दा उपस्थित झाला. मागील बैठकीत झालेल्या निर्णयानुसार मोकाट जनावरे पकडण्यासाठी पालिकेचे पथक नेमले. त्यानुसार कार्यवाही देखील करण्यात आली.