उस्मानाबाद - ९३ व्या अखिल भारतीय मराठी साहित्य संमेलनाचे उद्घाटक पद्मश्री ना. धों. महानोर यांना 'साहित्य संमेलनाला जाऊ नका' अशी अज्ञातांकडून फोन करून धमकी देण्यात आली होती. मात्र, माझा शब्द मी पाळणार असून कुठल्याही धमकीला न घाबरता मी या साहित्य संमेलनाच्या उद्घाटनाला जाणार असल्याचे महानोर यांनी 'ईटीव्ही भारत'शी बोलताना सांगितले आहे.
ईटीव्ही भारतशी चर्चा करताना पद्मश्री ना. धों. महानोर
तेर येथे होत असलेल्या ९३ व्या अखिल भारतीय मराठी साहित्य संमेलनाला आजपासून सुरुवात होत आहे. मात्र, या संमेलनाच्या सुरुवातीलाच गालबोट लागणे सुरू झाले होते. सुरुवातीला संमेलनाच्या अध्यक्षपदी असलेले फादर दिब्रेतो यांच्या अध्यक्षपदावरून वातावरण चिघळले होते. तर, आता ख्रिस्ती धर्मगुरू अध्यक्ष असलेल्या संमेलनाचे उद्घाटक म्हणून जाऊ नका म्हणत त्यांना धमकी देण्यात आली आहे. यावर ईटीव्ही भारतशी त्यांनी चर्चा केली.