उस्मानाबाद - शहर पोलीस स्टेशनच्या वतीने बकरी ईदनिमित्त पोलीस निरीक्षक उमाशंकर कस्तुरे यांच्या मार्गदर्शनाखाली शांतता कमिटीची बैठक पार पडली. या बैठकीत हिंदू आणि मुस्लिम धर्माचे नागरिक हजर होते. या बैठकी दरम्यान, हिंदू-मुस्लीम ऐक्याचं प्रतीक म्हणून पोलिस प्रशासनाच्या वतीने प्रयत्न करण्यात आले असून श्रावण सोमवार असल्यामुळे बकरी ईदचे बलीदान मंगळवारी देण्याचे सर्वसंमतीने मंजुर करण्यात आले आहे.
हिंदू-मुस्लीम ऐक्यासाठी पोलिसांचे प्रयत्न
सध्या हिंदू धर्मीयांसाठी पवित्र असलेला श्रावण महिना सुरू आहे. या महिन्यातला प्रत्येक सोमवार हिंदू धर्मियांसाठी महत्वाचा असतो. पण येत्या सोमवारी मुस्लिम धर्मीयांसाठी महत्वाची समजली जाणारी बकरी ईद देखील आहे. या दिवशी बलीदान देण्यात येते. ते एकाच दिवशी येत असल्याने धार्मीक भावना बाधीत होण्याची भीती व्यक्त केली जात होती.