उस्मानाबाद - कर्जमाफी आणि इतर मागण्यांसाठी गेली तीन वर्षे शेतकरी लढा देत आहेत. मात्र, शासन या मागण्यांची दखल घेत नाही, म्हणून जिल्हाधिकारी कार्यालयासमोर पॉलिहाऊस शेडनेटधारक शेतकऱ्यांनी धरणे आंदोलन केले.
विविध मागण्यांसाठी उस्मानाबाद जिल्हाधिकारी कार्यालयासमोर पॉलिहाऊस शेडनेटधारक शेतकऱ्यांचे धरणे आंदोलन
महाराष्ट्र राज्य पॉलिहाऊस शेडनेटधारक शेतकरी समन्वय समितीतर्फे हे आंदोलन करण्यात आले. दुष्काळ, नापीकी, तापमानातील चढ-उतार, उत्पादन खर्चाच्या तुलनेत शेतमालाला मिळणारा अल्प भाव यामुळे मागील पाच-सहा वर्षात राज्यातील शेडनेटची शेती तोट्यात आहे.