उस्मानाबाद- जिल्ह्यातील तुळजापूर-नळदुर्ग राज्यमार्गावर मालवाहतूक करणाऱ्या कंटेनर व कारचा समोरासमोर भीषण अपघात झाला. या अपघातात दोघांचा जागीच मृत्यू झाला. हा अपघात आज शनिवारी दुपारच्या सुमारास घडला.
या अपघातात स्वराज्य कानडे व मल्लिकार्जुन मल्लापा हे दोघे जखमी झाले असून राजू शुक्ला, नेहा राजू शुक्ला या पती-पत्नीचा जागीच मृत्यू झाला आहे. दुपारी तुळजापूरहुन नळदुर्गकडे मालवाहतूक करणारा कंटेनर (जीजे ३२ टी ९१४६) जात होता. भरधाव निघालेल्या या कंटेनरची गंधोरा (ता. तुळजापूर) शिवारात समोरुन येणाऱ्या कारला (केए-५१-झेड-७४९७) जोराची धडक बसली. या अपघातात दाम्पत्याचा मृत्यू झाला. अपघाताची माहिती मिळताच नळदुर्ग पोलिसांनी घटनास्थळी धाव घेत जखमींना तुळजापूर रुग्णालयात उपचारासाठी दाखल केले.