साहित्याची जत्रा : ग्रंथदिंडीने संमेलनाला सुरुवात, हजारो विद्यार्थी एकवटले तुळजाभवानी मैदानात

संमेलनाच्या पार्श्वभूमीवर शहरामध्ये उत्साहाचे वातावरण आहे. चौका-चौकात ग्रंथदिंडीचे स्वागत करण्यासाठी रांगोळ्या काढण्यात आल्या आहेत. मान्यवरांच्या उपस्थितीमध्ये ग्रंथदिंडीला खांदा देण्यात येणार आहे.

उस्मानाबाद - ९३ व्या अखिल भारतीय मराठी साहित्य संमेलनाला सुरुवात होत आहे. संत गोरोबाकाका साहित्य नगरीमध्ये संमेलनाला सुरुवात झाली असून ढोल-ताशा गजर आणि पारंपरिक वेशभूषा परिधान करून आलेले विद्यार्थी साहित्य रसिकांचे लक्ष केंद्रीत करीत आहेत. शहरातील तुळजाभवानी मैदानापासून या ग्रंथदिंडीला सुरुवात होणार आहे.

संमेलनाच्या पार्श्वभूमीवर शहरामध्ये उत्साहाचे वातावरण आहे. चौका-चौकात ग्रंथदिंडीचे स्वागत करण्यासाठी रांगोळ्या काढण्यात आल्या आहेत. मान्यवरांच्या उपस्थितीमध्ये ग्रंथदिंडीला खांदा देण्यात येणार आहे. शिवाय दिंडीत सहभागी झालेल्या विद्यार्थी, साहित्यिक यांना अल्पोपहाराची देखील सोय करण्यात आली आहे.

दरम्यान, जिल्हाभरातील जवळपास दोन हजारहून अधिक विद्यार्थी या ठिकाणी दाखल झाले आहेत.