येवला (नाशिक)-सध्या राज्यात पुन्हा एकदा कोरोना वाढत आहे, कोरोनाचा प्रादुर्भाव रोखण्यासाठी शासनाकडून नागरिकांना मास्क घालण्याचे आवाहन करण्यात येत आहे. मात्र तरी देखील काही नागरिक अजूनही मास्क घालताना दिसत नाही. नागरिकांनी मास्क घालावे, यासाठी येवल्यातील एका मास्क विक्रेत्याने अनोखी शक्कल लढवली आहे. त्याने मास्कवर मास्क वापरणाऱ्या व्यक्तीचा फोटो छापण्यास सुरुवात केली आहे. तसेच हेच मास्क जर लग्नात वापरण्यात येणार असतील, तर त्या मास्कवर संबंधित वधू-वरांचे फोटो छापण्यात येतात. त्याने तयार केलेले हे मास्क येवलेकरांच्या पसंतीस उतर आहेत.
मास्कवर वधू-वरांचे फोटो
मास्कला नागरिकांची पसंती