नाशिक - शहरात वयोवृद्ध महिलेला पोलीस असल्याची बतावणी करून चोरट्यांनी भररस्तात सात तोळ्याच्या बांगड्या लुटल्याची घटना मंगळवारी घडली. हा सर्व प्रकार या परिसरातील सीसीटीव्हीत कैद झाला आहे. या प्रकरणी पंचवटी पोलिसात गुन्हा दाखल करण्यात आला आहे.
नाशकात पोलीस असल्याचे सांगून भररस्त्यात महिलेची लूट
पोलीस असल्याचे सांगत घेतले अंगावरचे दागिने -
पंचवटीतील ओम नगर परिसरात मंगळवारी दुपारी साडेबाराच्या सुमारास हिरावाडी येथील सुशीला सुरेश गुजराती या घरगुती कामानिमित्त बाहेर गेल्या होत्या. त्यावेळी एकाने आपण पोलीस असून पुढे एक मोठी दुर्घटना घडली आहे, असे सांगून तुम्ही इतके महागडे दागिने घालून पुढे जाऊ नका असे बजावले. तुमच्या जवळील सोने माझ्याकडे द्या म्हणत, त्यांच्या जवळील बांगड्या घेतल्या, असे सुशीला गुजराती यांनी सांगितले.