दिंडोरी (नाशिक) -नाशिक-कळवण रस्त्याचे काम योग्य पद्धतीने होत नसल्याने पाऊस होताच या रस्त्यावर वाहनांची घसरगुंडी सुरू होत आहे. वाहनांच्या नुकसानीसोबत अनेक जण जखमी होत आहेत. रणतळ परिसरात शनिवारी तब्बल सहा वाहने घसरून अपघात होत वाहनांचे नुकसान होत प्रवासी जखमी झाले आहे.
नाशिक-कळवण रस्त्याचे नूतनीकरण होऊन तीन वर्षे उलटले. तरी अद्याप या रस्त्याचे काम पूर्ण झालेले नाही. हे काम सुरू असताना अनेक अपघात झाले होते. तर आता ज्या ठिकाणी रस्त्याचे काम पूर्ण झाले असले तरी कामाच्या गुणवत्तेबद्दल प्रश्न चिन्ह निर्माण झाले आहेत. अक्रळे फाटा ते दिंडोरी व सिडफार्म ते अवनखेड परिसरात पाऊस होताच रस्त्यावर वाहनांची घसरल्याचा प्रकार समोर आले आहेत.