नाशिक- तुम्ही अनेक प्रकारची आंदोलने पाहिली असतील. तसेच आंदोलनाची विविध कारणेही तुम्ही पाहिली असतील. मात्र, नाशिकमध्ये राज्यातील तमाम पुरुषांनी एक आगळे-वेगळे आणि धक्कादायक आंदोलन केले आहे. राज्यातील पत्नीपीडित पुरुषांनी रामकुंडावर चक्क मुंडन आणि पिंडदान करत आंदोलन केले. 'वास्तव' फाउंडेशनच्या माध्यमातून हे अनोखे आंदोलन करण्यात आले.
पत्नीपीडित पुरूषांचे नाशकात अनोखे आंदोलन हेही वाचा -ठरलं.. 'मनसे' ही विधानसभेच्या रिंगणात, नाशिकमधील सर्व जागा लढवणार
या आंदोलनामध्ये वयस्कर तर काही चाळिशीतले लोक आले होते. या मंडळीनी यावेळी आपल्याच पत्नीचा निषेध केला. पत्नीपीडित आणि महिला संरक्षण कायदा पीडित मंडळींनी आपल्याच पत्नीच्या नात्याचे पिंडदान केले. पत्नीपासून होणाऱ्या सर्व त्रासाची आहुती देऊन मुंडन केले. तसेच आमच्यावर होणारा अन्याय रोखण्यासाठी केंद्रीय पुरुष आयोगाची निर्मिती व्हावी, अशी मागणी या संघटनेने केली.
देशात प्रचलीत असलेल्या सर्व कायद्यांचे फक्त महिलांना संरक्षण असल्याचा आरोप या पुरुषांनी केला. पुरुषांसाठी एकही कायदा नसल्याचे या पुरुषांचे म्हणणे आहे. यातील अनेकांवर त्यांच्या पत्नीने खोट्या केसेस केल्या असल्याचा दावा केला आहे. कायद्याचा धाक दाखवून महिला, पुरुषांवर प्रचंड अत्याचार करतात, असा आरोप या पुरुषांनी केला.
हेही वाचा - उत्तर महाराष्ट्र विभाग : युतीच्या जागा टिकणार की वाढणार? काँग्रेस राष्ट्रवादीसाठी मात्र अस्तित्वाची लढाई
तर या पुरुषांनी केलेल्या पिंडदानाला काहीही महत्व नाही. धार्मिक परंपरेत जीवंत माणसाचे पिंडदान करता येत नाही, हे संतापाच्या भरात केलेले पिंडदान आहे, असे येथील पुरोहित सांगतात. त्यामुळे आता या पुरुषांनी केलेल्या पिंडदानामुळे खरेच पत्नीपासून त्यांना मुक्ती मिळेल का? हे पाहणे महत्वाचे ठरणार आहे.
