नाशिक- शहरातील गजानन पार्क अपार्टमेंट समोरील नाशिक-पुणे महामार्गावर दुचाकी आणि टिप्परचा अपघात झाला आहे. यात दुचाकीवरील आदर्श रोहिदास कराड (वय १७), आकाश गवळी (वय २२) यांचा जागीच मृत्यू झाला आहे. तर ज्ञानेश्वर बाळू केदारे (वय २४) गंभीर जखमी आहे.
नाशकात दुचाकीला टिप्परची धडक, 2 महाविद्यालयीन तरुणांचा मृत्यू, 1 जखमी
गजानन पार्क अपाटमेंट समोर नाशिक-पुणे महामार्गावर दुचाकी आणि टिप्परचा अपघात झाला आहे. यात दोघांचा मृत्यू तर एक गंभीर जखमी आहे.
नाशिक रोड परिसरात दुचाकीचा अपघात
जखमीवर बिटको हॉस्पिटलमध्ये उपचार सुरू आहे. या घटनेने परिसरात हळहळ व्यक्त केली जात आहे. तर टिप्पर चालक फरार झाला आहे. घटनेची माहिती मिळताच घटनास्थळी पोलीस निरिक्षक सुरज बिजली, वाहतूक निरिक्षक के.डी.पाटील, दाखल झाले होते. दरम्यान, नाशिक रोड पोलिसांत याप्रकरणी गुन्हा दाखल करण्यात आला आहे. या घटनेतील दुचाकीवरील तिघेही महाविद्यालयीन विद्यार्थी असल्याची माहिती मिळाली आहे.