नाशिक -जिल्ह्यात दिवसेंदिवस कोरोना रुग्णांच्या संख्येत वाढ होताना दिसत आहे. मात्र, असे असली तरी रुग्ण बरे होण्याचे प्रमाण हे ८४ टक्क्यांवर जाऊन पोहोचले आहे. नाशिकमधील कोरोनाबाधितांची संख्या २५ हजारांपेक्षा जास्त झाली आहे. यातील ७१३ रुग्णांचा कोरोनामुळे मृत्यू झाला आहे.
नाशिकमध्ये चाचण्या वाढवल्याने रुग्णसंख्या वाढत आहे
सध्या शहरात अँटीजेन टेस्ट मोठ्या प्रमाणात केल्या जात असल्यामुळे रुग्णसंख्या वाढत असल्याचे प्रशासनाचे मत आहे. मात्र, रुग्ण बरे होण्याचे प्रमाणही वाढत असल्यामुळे आरोग्य विभागातील कर्मचाऱ्यांना दिलासा मिळत आहे. आरोग्य विभागाच्या प्रयत्नांना नागरिकांनीही चांगली साथ दिली, तर आपण कोरोना नक्कीच आटोक्यात आणू, असे महानगरपालिका आयुक्त राधाकृष्ण गमे यांनी म्हटले आहे.