नाशिक -जिल्ह्यातील आदिवासीबहुल दिंडोरी, सुरगाणा आणि कळवण परिसरातील स्ट्रॉबेरीचा हंगाम वाढत्या थंडीसोबत बहरला आहे. रंगतदार आणि चविष्ट स्ट्रॉबेरी किरकोळ ग्राहकांना आकर्षित करत असली तरी, घाऊक बाजारात भाव मिळत नसल्याने शेतकरी चिंतातूर झाले आहेत.
नाशिकच्या आदिवासी बहूल भागात स्ट्रॉबेरी बहरली
या भागात पिकासाठी आवश्यक असलेले पोषक वातावरण आणि जमिनीची पोत यामुळे सात-आठ वर्षांपासून स्ट्रॉबेरी लागवडीचे प्रयोग यशस्वी होऊ लागले आहेत. त्यामुळे जिल्ह्याच्या आदिवासी पट्ट्यामध्ये स्ट्रॉबेरीच्या लागवडीचे क्षेत्र दिवसेंदिवस वाढतच आहे. मात्र, योग्य भाव मिळत नसल्याने मोठ्या प्रमाणावर उत्पन्न घेणाऱ्या शेतकऱ्यांची निराशा होत आहे.