Caste-Based Names Deportation: नाशिक विभागातील सोळाशे जातीवाचक वस्त्यांची नावे हद्दपार...

राज्यभरातील रस्ते, वाड्या, वस्त्यांची जातीवाचक नावे (caste based Names) हद्दपार करण्याचा महत्त्वपूर्ण निर्णय समाज कल्याण विभागाने (Social Welfare Department) घेतला आहे. त्या अनुषंगाने नाशिक विभागात (in Nashik division) प्रभावीपणे अंमलबजावणी करण्यात आली असून आज अखेर 1659 जातीवाचक रस्ते, वाडया, वस्त्यांची नावे (sixteen hundred caste-based Names Deportation) बदलण्यात आले आहेत.

नाशिक: रस्ते, वाड्या, वस्त्यांची जातीवाचक नावे (caste based Names) हद्दपार करण्याचा महत्त्वपूर्ण निर्णय समाज कल्याण विभागाने (Social Welfare Department) घेतला आहे. त्यानुसार नाशिक विभागातील शहरी क्षेत्रातील 190 नावे बदलण्यात आली आहेत तर ग्रामीण भागातील 1459 जातीवाचक नावे बदलण्यात आली आहेत. विभागातील शहरी भागात महानगरपालिकांच्या माध्यमातून लवकरात लवकर ही नावे बदलण्याची कार्यवाही पूर्ण करण्याचे निर्देश यावेळी विभागीय आयुक्त गमे यांनी सर्व संबंधित यत्रणांना दिले आहेत.

सामाजिक सलोखा जोपासणार :काही वस्त्यांची नावे महारवाडा, बौद्धवाडा, मांगवाडा, ढोरवस्ती, ब्राम्हणवाडा, माळी गल्ली, अशा स्वरुपाची नावे आहेत. या वस्त्यांना आता समता नगर, भीम नगर, ज्योती नगर, शाहू नगर, क्रांती नगर तसेच इतर तत्सम नावे देण्यात येणार आहेत. महाराष्ट्रासारख्या पुरोगामी राज्यात सामाजिक सलोखा आणि सौहार्द निर्माण होऊन राष्ट्रीय एकात्मता वाढण्याच्या दृष्टीने ही नावे बदलण्याचा निर्णय घेण्यात आला आहे. यापूर्वी दलित वस्ती सुधार योजनेच्या नावात बदल करुन त्याऐवजी 'अनुसूचित जाती व नवबौध्द घटकांच्या वस्तीचा विकास' असे करण्यात आलेले आहे. तसेच डॉ. बाबासाहेब आंबेडकर दलित मित्र पुरस्कार हे नाव बदलून 'डॉ.बाबासाहेब आंबेडकर समाज भूषण पुरस्कार' असे करण्यात आलेले आहे.

नद्या गड किल्यांचे नावे देणार :राज्यातील गावांची, रस्त्यांची, वस्त्यांची जातीवाचक नावे बदलून नवीन नावे देण्याचा निर्णय मागील वर्षी राज्य मंत्रिमंडळाच्या बैठकीत घेण्यात आला होता. या निर्णयाची अंमलबजावणी करणारे नाशिक पहिले शहर ठरणार आहे. सुरवातीला पहिल्या टप्प्यात शहरातील 80 जातीवाचक वस्त्यांची नावे बदलण्यात येणार असून त्याऐवजी राज्यातील किंवा नाशिक जिल्ह्यातील किल्ले, नद्या, झाडे अथवा फुलांची नावे या वस्त्यांना देण्यात येणार आहेत.