नाशिक : केंद्र आणि राज्य सरकारकडून सर्वसामांन्यांसाठी आयुष्यमान भारत ही योजना राबवली जात आहे. या योजनेत रुग्णांची सर्व माहिती एकाच ठिकाणी आणि तीही डिजिटल सुरुवात मिळावी, तसेच सुरक्षित रहावी यासाठी नागरिकांना आयुष्यमान भारत आरोग्य कार्ड देण्याची योजना सुरु आहे, रुग्ण आजारी पडल्यानंतर हॉस्पिटलमध्ये कागदी फाईल दिली जाते, दरवेळी तपासणीसाठी रुग्णांना फाईल सोबत बाळगावी लागते, त्याचप्रमाणे डॉक्टरांना सुद्धा मागील सर्व रिपोर्ट तपासून पहावे लागतात,या सर्व बाबींचा विचार करता शासनाकडून आता नागरिकांना आभा आरोग्य कार्ड दिले जात आहे.
आयुष्मान भारत आरोग्य कार्ड नावाने डिजिटल स्वरूपातील हेल्थ आयडी मिळणार असून, या कार्डवर नागरिकांचा वैद्यकीय इतिहास, केलेलेउपचार, चाचण्या इत्यादींची डिजिटल स्वरूपात माहिती अपलोड केली जात आहे. त्यामुळे नागरिकांना तसेच डॉक्टरांना रुग्णाची पार्श्वभूमी म्हणजेच मागील आजार, उपचार, निदान आदि माहिती तात्काळ मिळणार आहे. तसेच त्याच्यावर उपचार करण्यासाठी सुद्धा मदत होणार आहे.