नाशिक - विधानसभेचा अध्यक्ष असल्याने सत्ताधारी आणि विरोधक दोघेही मला सारखेच आहेत. मी ज्या पदावर आहे त्या पदामुळे, कुणाची खदखद असेल तर ती विधानसभेतच मिटवता येईल. एकनाथ खडसे आणि पंकजा मुंडे यांनी काय निर्णय घ्यायचा हा त्यांचा वैयक्तिक प्रश्न आहे, असे मत विधानसभेचे अध्यक्ष नाना पटोले यांनी व्यक्त केले. एका कौटुंबिक कार्यक्रमासाठी ते मनमाड येथे आले होते. त्यावेळी त्यांनी माध्यमांशी संवाद साधला.
मनमाड येथे माध्यमांशी संवाद साधताना नाना पटोले
विधानसभेत होणाऱ्या गोंधळामुळे जनतेचे प्रश्न मागे पडतात. सत्ताधारी पक्ष आणि विरोधी पक्षातील लोक मला नवीन नाहीत. सर्वांचे स्वभाव मला माहित आहेत. त्यामुळे दोन्ही पक्षांना हाताळून जनतेच्या प्रश्नांची सोडवणूक कशी करता येईल हाच प्रयत्न राहील, असे पटोले म्हणाले.