नाशिक जिल्ह्यातील 565 ग्रामपंचायतीसाठी उद्या मतदान; जिल्हा प्रशासन सज्ज

नाशिक जिल्ह्यातील 565 ग्रामपंचायतीसाठी उद्या मतदान होत असून 4 हजार 299 जागांसाठी प्रत्यक्षात मतदान होणार आहे.त्यासाठी 11 हजार 56 उमेदवार आपलं नशीब आजमावणार आहे. याकरिता जिल्हा प्रशासन सज्ज झाले आहे.

नाशिक -जिल्ह्यातील ग्रामपंचायत निवडणुकीच्या प्रचाराच्या तोफा थंडावल्या असून उद्या प्रत्यक्षात मतदान होणार आहे. नाशिक जिल्ह्यातील 1327 जागा बिनविरोध निवडून आल्याने उद्या प्रत्यक्षात 565 ग्रामपंचायतींमधील 4 हजार 299 जागांसाठी प्रत्यक्षात मतदान होणार आहे. त्यासाठी 11 हजार 56 उमेदवार आपले नशीब आजमावणार आहे. या निवडणुकीत 12 लाख 84 हजार मतदार असून त्यातील 6 लाख 11 हजार 654 महिला असून 6 लाख 72 हजार 443 पुरुष मतदारांचा समावेश आहे.

5 हजार 120 केंद्र -

या निवडणुकीसाठी 5 हजार 120 मतदान यंत्राची व्यवस्था करण्यात आली असून त्यातील 2 हजार 560 कंट्रोल युनिट आणि 2 हजार 560 बँलेट युनिटचा समावेश आहे. ही यंत्रणा मतदान केंद्रावर पोहचण्यासाठी 61 एसटी बसेस 402 जीप आणि 126 मिनी बसेसची व्यवस्था कऱण्यात आली आहे. मतदानासाठी 389 अधिकारी, तर 9 हजार 760 कर्मचाऱ्यांची नियुक्ती करण्यात आली आहे.

44 केंद्र संवेदनशील -

ग्रामपंचायतीच्या निवडणुकीसाठी जिल्ह्यात 1952 मतदार केंद्राची व्यवस्था करण्यात आली असून यातील 44 केंद्र हे संवेदनशील असून 8 केंद्र अतिसंवेदनशील आहे. या ठिकाणी अतिरिक्त पोलीस बंदोबस्त तैनात करण्यात येणार आहे.

कोरोना संशयितांना शेवटच्या अर्धा तासात मतदानाची संधी -

मतदार केंद्रावर थर्मल स्कॅनिंग आणि हॅण्ड सॅनिटाझर व्यवस्था करण्यात आली आहे. कोरोनाची लक्षणे असलेल्या रुग्णांना तसेच क्वांटाइन असलेल्या रुग्णांना शेवटच्या अर्धा तासात मतदान करण्यास आयोगाने परवानगी दिली आहे.