नाशिक- शहरातील प्रसिद्ध व्यावसायीक प्रितपालसिंह बलवीरसिंह यांच्या घरी चोरी झाली होती. यात चोरट्याने लाखो रुपयांचा ऐवज लंपास केला होता. याप्रकरणी पोलीस चौकशी झाल्यानंतर प्रीतपालसिंह यांच्या मोलकरणीने आपल्या साथीदारांसह ही चोरी केल्याचे समोर आले आहे.
चोरीच्या घटनेबाबत माहिती देताना नाशिक पोलीस आयुक्त विश्वास नांगरे पाटील
चोरट्यांनी चक्क १८ लाख रुपयांची घरफोडी केली होती. झाले असे, की प्रसिद्ध व्यावसायिक प्रीतपालसिंग बालवीरसिंग बग्गा हे आपल्या कुटुंबियांसमवेत १६ नोव्हेंबरला अमृतसरला गेले होते. आपले मालक बाहेर गावी गेल्याची संधी साधून मोलकरीण दिपाली साठे हिने घरात असणाऱ्या रोख रक्कम आणि सोने चांदीच्या दागिन्यांवर डल्ला मारण्याचे ठरवले. त्यानुसार तिने आपल्या शेजारी राहणाऱ्या जुनेद शेख आणि सोहेल अन्सारी यांची मदत घेत घरातील लॉकर्स खोलून दागिन्यांवर डल्ला मारला.