नाशिक -शेतकरी ते थेट ग्राहक या संकल्पनेतून कोकण पर्यटन विकास संस्थेतर्फे नाशिकमध्ये आंबा महोत्सवाचे आयोजन करण्यात आले आहे. कोकणातील अस्सल हापूस आंबा खरेदी करण्यासाठी नाशिककरांची मोठी गर्दी होतं आहे.
कोकणातील अस्सल हापूस आंब्यांवर ताव मारण्यासाठी नाशिककरांची आंबा महोत्सवाला गर्दी
कोकणासह इतर भागातील बदलत्या हवामानाचा फटका आंबा उत्पादनाला बसला आहे, तरी उत्पादन चांगले झाल्याने हापूस आंब्याचे दर गेल्या वर्षीप्रमाणे यंदाही ८०० ते ९०० रुपयांच्या दरम्यान आहेत. त्यामुळे यंदाच्या उन्हाळ्यात नाशिककरांना अगदी रास्त दरात कोकणातील अस्सल हापूसची चव चाखता येत आहे. मे महिन्याच्या सुरुवातीलाच हापूस आंब्याचा शहरातील कोकण आंबा महोत्सवात गोडवा दरवळत आहे. कोकण पर्यटन विकास संस्थेतर्फे दरवर्षीप्रमाणे यंदाही कोकण आंबा महोत्सव कालिका माता मंदिराच्या हॉलमध्ये आयोजित करण्यात आला आहे.