नाशिक -२२ नोव्हेंबरला होत असलेल्या नाशिक महापौरपदाची निवडणूक चांगलीच चुरशीची होणार आहे. एक उमेदवार निश्चित करण्याऐवजी भाजप आणि शिवसेनेनेही चार-चार नामांकन अर्ज दाखल केले. सेनेचा उमेदवारी अर्ज दाखल करताना भाजप नगरसेवक उपस्थित असल्याने महापौर निवडणुकीत ट्विस्ट निर्माण झाला आहे.
भाजपचे संख्याबळ मॅजिक फिगरपेक्षा जास्त असूनही भाजपच्या गोटात भीतीचे वातावरण आहे. घोडेबाजार होऊ नये यासाठी भाजप नगरसेवकांना सहलीला पाठवण्यात आले. बुधवार महापौरपदाचा अर्ज दाखल करण्याचा शेवटचा दिवस आहे. त्यातही कोणी नाराज होऊ नये यासाठी भाजपने महापौर पदासाठी चार आणि उपमहापौर पदासाठी चार उमेदवारी अर्ज दाखल केले आहेत. सहा नगरसेवक संपर्कात नसून त्यांच्या ऐवजी मनसे मदत करणार असल्याचा दावा भाजपने केला आहे. त्यामुळे नाशिकमध्ये नवे समीकरण जुळवून भाजपचाच महापौर होईल, असा दावा भाजपने केला आहे.