नाशिक- चीनसोबत आता कोरोना विषाणूचा प्रादुर्भाव इतर देशातही होत आहे. याचा परिणाम सर्वत्र जाणवत आहे. नाशकातून मक्का, मदीना येथे धार्मिक यात्रेसाठी (उमरा) जाणाऱ्या मुस्लीम बांधवांसह हज-उमराह टूर्स चालकांना बसला आहे.
नाशकातील अनेकांनी रद्द केली उमरा यात्रेची तिकिटे
सौदी अरेबिया सरकारने मागील आठवड्यात विदेशातून नागरिकांना अनिश्चित काळासाठी प्रवेशबंदी करण्यात आली आहे. तसेद सौदी अरेबिया दूतावासाकडून जारी केलेला उमरा आणि पर्यटनासाठीचा व्हीसा अनिश्चित काळासाठी देणे बंद करण्यात आला आहे. त्यामुळे नाशिक जिल्ह्यातून उमरा यात्रेसाठी जाणाऱ्या तब्बल 500 हून अधिक यात्रेकरूंनी आपली तिकिटे रद्द केल्याची माहिती समोर आली आहे. विशेष म्हणजे रमजान महिन्याच्या तिकिट आरक्षणावरही याचा परिणाम झाला असून त्याचीही तिकिटे बंद झाली आहे.