नाशिक -येस बँकेत नाशिक महानगरपालिकेचे अडकलेले 311 कोटी रुपये आरटीजीएसद्वारे महापालिकेच्या खात्यात जमा झाले आहेत. महानगरपालिका आयुक्त राधाकृष्ण गमे आणि पालकमंत्री छगन भुजबळ यांनी याबाबत माहिती दिली. पैसे मिळवण्याच्या प्रक्रियेसाठी महानगरपालिका अधिकारी काही तास बँकेतच ठाण मांडून बसले होते.
येस बँकेत अडकलेले 311 कोटी नाशिक महानगरपालिकेला मिळाले
5 मार्च रोजी रिझर्व्ह बँकेने येस बँकेवर आर्थिक निर्बंध घातले होते. त्यामुळे महानगरपालिकेची अडचण झाली होती. या बँकेत महानगरपालिकेचे 296 कोटी तर रिझर्व्ह बँकेचे 14 कोटी असे एकूण 311 कोटी रुपये अडकले होते. विशेष म्हणजे ऑडिटर फर्मने खासगी बँकेत रक्कम ठेऊ नये असे आदेश 2018 मध्ये दिले होते तरी देखील खासगी बँकेत हे खाते कायम ठेवण्यात आले होते.