नाशिक - कोरोना बाबतच्या नियमांची पायमल्ली करणाऱ्यांवर आता शासनाकडून कारवाई करण्यासाठी चांगलीच कंबर कसली आहे. शहरातील हॉटेल ज्युपिटर येथे लग्न समारंभांचे आयोजन करण्यात आले होते. मात्र, या लग्न संमारंभात कोरोना नियमांना पायदळी तुडवण्यात आल्याचे चित्र समोर आले आहे. याबाबातची माहिती महापालिका आणि पोलिसांनी संयुक्तरित्या संबंधित हॉटेलवर कारवाई केली आहे.
नाशिकमध्ये हॉटेल ज्युपिटरवर मनपा आणि पोलिसांची धडक कारवाई - हॉटेल ज्युपिटरवर मनपा कारवाई
ज्युपिटर हॉटेलमध्ये आयोजित लग्न समारंभामध्ये सोशल डिस्टंसिंग आणि मर्यादेपेक्षा जास्त लोक असल्याची माहिती पोलिसांना मिळाली. त्यानंतर पोलिसांनी हॉटेल ज्युपिटरवर अचानकपणे धाड टाकली. या वेळी पोलिस आल्याची माहिती मिळताच वऱ्हाड्यांची धावपळ झाल्याचे पहायला मिळाले.
हॉटेल कारवाई
वऱ्हाड्यांची झाली धावपळ
नाशिक शहरातील कोरोनाचा प्रादुर्भाव दिवसेंदिवस वाढत असल्याने आता नियमांची पायमल्ली करणाऱ्यांवर पोलीस प्रशासन आणि महानगरपालिका प्रशासनाकडून दंडात्मक कारवाई करण्यात येत आहे. अशीच एक कारवाई नवीन नाशिक भागातील हॉटेल ज्युपिटर याठिकाणी प्रशासनाने केली आहे. ज्युपिटर हॉटेलमध्ये आयोजित लग्न समारंभामध्ये सोशल डिस्टंसिंग आणि मर्यादेपेक्षा जास्त लोक असल्याची माहिती पोलिसांना मिळाली. त्यानंतर पोलिसांनी हॉटेल ज्युपिटरवर अचानकपणे धाड टाकली. या वेळी पोलिस आल्याची माहिती मिळताच वऱ्हाड्यांची धावपळ झाल्याचे पहायला मिळाले.
हॉटेलवर कारवाई
या कारवाईत वर आणि वधू पक्षाकडून प्रत्येकी पाच हजार आणि हॉटेल व्यवस्थापनाकडून पाच हजाराचा असा एकूण 15 हजार रुपयांचा दंड वसूल केला आहे. तर ही कारवाई यापुढे देखील अशीच सुरू राहणार आहे. कोरोना नियमांचे पालन न करणाऱ्यांवर अशीच कारवाई केली जाणार असल्याचे सूचनावजा इशारा यावेळी पोलीस आणि मनपा अधिकाऱ्यांनी दिला आहे.
हेही वाचा-वाढत्या रुग्णसंख्येमुळे राज्य सरकार अलर्ट मोडवर, वैद्यकीय वापरासाठी ८० टक्के ऑक्सिजन पुरवठा बंधनकारक