नाशिक - कोरोनामुळे सर्वच व्यवसाय ठप्प झालेले आहे. अशा परिस्थिती मंगल कार्यालय आणि लॉन्स त्यांच्यावर अवलंबून असणाऱ्या छोट्या-मोठ्या व्यावसायिकही चिंतेत आहेत. एकीकडे काम बंद असताना दुसरीकडे बुकिंग देखील रद्द होत आहे. यामुळे लॉन्स व्यावसायिक अडचणीत आले आहेत.
नाशिकमध्ये लॉकडाऊनमुळे मंगलकार्यालय चालक, कर्मचारी चिंतेत
लॉकडाऊन काळात सर्वच क्षेत्रावर मंदीच सावट आहे. मंगल कार्यालय आणि लॉन्स व्यावसायिकांची देखील लॉकडाऊनमुळे चांगलीच अडचण झाली आहे. लॉन्स आणि मंगल कार्यालय व्यवसायावर अवलंबून असलेल्या 200 ते 300 जणांचा दैनंदिन रोजगार गेल्याने कामगारांवर उपासमारीची वेळ आली आहे.