नाशिक- कलाग्राम प्रकल्प पूर्ण करण्यासाठी एकरकमी ८ कोटी निधी तर येवला शिवसृष्टी प्रकल्प पूर्ण करण्यासाठी वाढीव निधी देण्यात यावा, अशी मागणी माजी खासदार समीर भुजबळ यांनी राज्याचे पर्यटन मंत्री आदित्य ठाकरे यांच्याकडे केली. माजी खासदार समीर भुजबळ यांनी आदित्य ठाकरे यांची भेट घेऊन या प्रकल्पाबाबत चर्चा केली.
यावेळी समीर भुजबळ यांनी आदित्य ठाकरे यांना प्रकल्पाबाबत माहिती देऊन त्यांना निवेदन दिले. येवला शिवसृष्टीबाबत दिलेल्या पत्रात म्हटले आहे की, येवला शहराच्या लौकिकात व पर्यटनात भर पाडण्यासाठी महाराष्ट्र राज्याचे आराध्य दैवत छत्रपती शिवाजी महाराज यांच्या जीवनपटावर आधारित शिवसृष्टी उभारण्याच्या प्रकल्पास, प्रादेशिक पर्यटन विकास योजनेंतर्गत दिनांक १३ सप्टेंबर २०१९ च्या शासन निर्णयान्वये ४ कोटी इतक्या रक्कमेस मान्यता प्राप्त आहे. या निधीत शिवसृष्टी प्रकल्प पूर्ण होऊ शकत नाही. कामाचा व्याप, विस्तृत स्वरुप, सुशोभीकरणाच्या बाबी, आधुनिक तंत्रज्ञान, पर्यावरण विषयक अभ्यास, सुसाध्यतेची पडताळणी, संशोधनात्मक अभ्यास आदी बाबींचे स्वरुप पाहता यापूर्वी मान्यता प्राप्त ४ कोटी हा निधी अत्यंत तोकडा पडत आहे. या प्रकल्पांतर्गतच्या उर्वरित बाबींसाठी व शिवसृष्टी प्रकल्प पूर्ण होण्यासाठी अधिक रकमेची आवश्यकता असून जिल्हाधिकारी नाशिक यांनी तसा प्रस्ताव शासनास सादर केला असून सदर प्रस्तावास प्रशासकीय मान्यता देवून निधी मंजूर करण्यात यावा, अशी मागणी केली आहे.
बांधकाम अंतिम टप्प्यात येऊन पुरेशा निधी अभावी बंद