शुक्रवारपासून मुंबईतच असल्याचा आमदार दिलीप बनकर यांचा खुलासा

सत्ता स्थापनेच्या महत्त्वाच्या घडामोडी घडत असताना नाशिकचे तीन आमदार शनिवारी सकाळपासूनच राजभवनात मुख्यमंत्री आणि उपमुख्यमंत्री यांच्या शपथविधीसाठी उपस्थित असल्याचे सांगितले जात आहे. शुक्रवारपासून मुंबईत असल्याचा खुलासा आमदार दिलीप बनकर यांनी केला.

नाशिक - राज्यातील राजकिय परिस्थितीने नाट्यमय वळण घेतले आहे. सत्ता स्थापनेच्या महत्त्वाच्या घडामोडी घडत असताना नाशिकचे तीन आमदार शनिवारी सकाळपासूनच राजभवनात मुख्यमंत्री आणि उपमुख्यमंत्री यांच्या शपथविधीसाठी उपस्थित असल्याचे सांगितले जात आहे. निफाडचे आमदार दिलीप बनकर हे मुलाची शस्त्रक्रिया असल्याने परत आले.

शुक्रवारपासून मुंबईत असल्याचा खुलासा दिलीप बनकर यांनी केला. बनकर शुक्रवारी सायंकाळी आठ वाजेपर्यंत पक्षाच्या नेत्यांसमवेत होते. त्यांना शनिवारी पहाटे फोन आला आणि ते राजभवन येथून धनंजय मुंडे यांच्या घरी गेले.

हेही वाचा - शिवसेना-काँग्रेस-राष्ट्रवादीची सर्वोच्च न्यायालयात धाव; शपथविधी घटनाबाह्य असल्याचा आरोप

कोणत्या पक्षासोबत सरकार बनवायचे हे पक्ष श्रेष्ठी ठरवतात. आम्ही शपथविधीला गेलो यात शंका नाही मात्र, अजित पवार सोबत असल्याने आम्ही तिथे गेलो. मी राष्ट्रवादी पक्षाबरोबर आहे आणि कायम पक्षासोबतच राहील, असे स्पष्टीकरण बनकर यांनी दिले. दिलीप बनकर राष्ट्रवादीची स्थापना झाल्यापासून पक्षात आहेत. पवार कुटुंबियांशी त्यांचे अगदी जवळचे संबंध आहेत.