नाशिक - मराठा आरक्षणाला स्थगिती मिळाल्यामुळे मराठा समाजामध्ये संतापाचे वातावरण आहे. सकल मराठा क्रांती मोर्चाच्यावतीने स्थानिक लोकप्रतिनिधींना निवेदन देऊन त्यांनी मराठा आरक्षणाबाबत आपली भूमिका स्पष्ट करावी, अशी राज्यभर मागणी करण्यात येत आहे. आज नाशिक जिल्ह्याचे पालकमंत्री छगन भुजबळ यांना मराठा क्रांती मोर्चाच्यावतीने निवेदन देण्यात येणार होते. मात्र, भुजबळ निवेदन स्वीकारण्यासाठी न आल्याने संतप्त झालेल्या मराठा क्रांती मोर्चाच्या पदाधिकाऱ्यांनी भुजबळ यांच्या घराबाहेर निवेदन चिकटवून भुजबळ फार्म परिसरात गोंधळ घातला.
मराठा आंदोलकांनी छगन भुजबळ यांच्या फार्म बाहेर गोंधळ घातला