मनमाड (नाशिक) -औरंगाबाद येथील मुकुंदवाडी पोलिस स्थानकात 394 कलमा खाली गुन्हा दाखल असलेल्या फरार आरोपीला मनमाड येथे सापळा रचून लोहमार्ग पोलिसांनी अटक केले. या आरोपीला औरंगाबाद पोलीसांच्या हवाली करण्यात आले आहे.
औरंगाबाद येथील मुकुंदवाडी पोलिस ठाण्यात 394 कलमाणव्ये गुन्हा दाखल असलेला आरोपी अमर गायकवाड हा पोलीस कस्टडीतुन फरार झाला असल्याची महिती मनमाड लोहमार्ग पोलिसांना औरंगाबाद एसपी ऑफिसकडून मिळाली होती. त्याचे लोकेशन मनमाड शहरातील रेल्वे स्थानक परिसर येत असल्याचे समजले होते. लोहमार्ग पोलिसांनी तात्काळ कारवाई करत शोध घेतला. मात्र, या परिसरात तो कुठेही आढळून आली नाही. यानंतर हायकोर्ट परिसरात शोध घेत असताना त्याची ओळख पटली. यावेळी त्याने पळुन जाण्याचा प्रयत्न केला. मात्र, लोहमार्ग पोलिसांनी त्याला शिताफीने अटक केली. अटक करून त्याला औरंगाबाद पोलिसांच्या स्वाधीन करण्यात आले आहे.