कोरोना इफेक्ट : अनिश्चित काळासाठी मद्यविक्री बंद ! मद्य खरेदीसाठी नाशकात तळीरामांची गर्दी

राज्यात कोरोना विषाणूचा विळखा हळूहळू वाढत आहे. सार्वजनिक ठिकाणची गर्दी कमी करण्यासाठी खबरदारीचा उपाय म्हणून मद्य दुकाने बंद ठेवण्याचा निर्णय प्रशासनाने घेतला आहे. त्यामुळे पुढील काही दिवस मद्य मिळणार नसल्याच्या भीतीने नाशिकमध्ये मद्यपींनी मद्य विक्री करणाऱ्या दुकानांबाहेर गर्दी केली होती.

नाशिक -कोरोना विषाणूचा प्रादुर्भाव रोखण्यासाठी आजपासून पुढील आदेश येईपर्यंत मद्यविक्रीची दुकाने बंद ठेवण्याचे आदेश जिल्हाधिकारी सूरज मांढरे यांनी दिले. हे आदेश पारीत होताच तळीरामांनी दारू दुकानांवर मोठ्या प्रमाणत गर्दी केली. एकीकडे प्रशासन गर्दी होऊ नये, यासाठी काळजी घेत असताना दुसरीकडे दारू विकत घेणाऱ्या तळीरामांच्या गर्दीचे काय ? असा प्रश्न सर्वसामान्य नागरिकांना पडला आहे.

हेही वाचा...CORONA : 'लॉक डाऊन'मुळे मद्यपींची तारांबळ...दारू मिळवण्यासाठी अनेक उठाठेवी

राज्यात कोरोना विषाणूचा विळखा हळूहळू वाढत आहे. सार्वजनिक ठिकाणची गर्दी कमी करण्यासाठी खबरदारीचा उपाय म्हणून मद्य दुकाने बंद ठेवण्याचा निर्णय प्रशासनाने घेतला आहे. त्यामुळे पुढील काही दिवस मद्य मिळणार नसल्याच्या भीतीने नाशिकमध्ये मद्यपींनी मद्य विक्री करणाऱ्या दुकानांबाहेर गर्दी केली होती.

नाशिकचे जिल्हाधिकारी सूरज मांढरे यांनी कोरोना विषाणूचा प्रादुर्भाव होऊ नये म्हणून साथीरोग प्रतिबंधात्मक कायदा नाशिक जिल्ह्यात लागू केला आहे. या अंतर्गत जिल्ह्यातील सर्व बार, देशी विदेशी किरकोळ दारू विक्रीची दुकाने, क्लब आणि मद्य विक्रीचे सर्व परवाने बंद ठेवण्याचे आदेश दिले आहेत. या आदेशाचे पालन न करणाऱ्यांवर कारवाई केली जाणार असल्याचे स्पष्ट निर्देश देण्यात आले आहे.

हेही वाचा...#CORONA VIRUS : राज्यातील आकडा 63 वर! मुंबईत 10 तर, पुण्यात एका रुग्णाची वाढ

मद्य विक्रीची दुकाने बंद होणार म्हणून तळीरामांनी दारू दुकानांवर मद्य खरेदीसाठी मोठी गर्दी केली होती. एकीकडे प्रशासन गर्दी होऊ नये ह्यासाठी काळजी घेत असताना दुसरीकडे मात्र दारूच्या दुकानांवर तळीरामाची मोठी गर्दी होताना दिसत आहे.