शाळा महाविद्यालयात मुलींना स्वरक्षणाचे धडे देणे बंधनकारक करावे, नाशकातील महिलांच्या प्रतिक्रिया

देशात महिलांवर होणाऱ्या अत्याचाराच्या घटना वाढल्या आहेत. अशात सरकारने शाळा आणि महाविद्यालयात मुलींना स्वरक्षणाचे धडे देणे बंधनकारक केले पाहिजे, असे नाशिक येथील महिलांनी म्हटले आहे. याद्वारे वेळ पडल्यास कोणाच्या मदती शिवाय महिलांना आत्मरक्षा करता येईल. त्याचबरोबर, मुलांना महिला सन्मानाचे धडे देखील दिले पाहिजे, असे महिलांनी सांगितले.

नाशिक- देशाला हादरून देणाऱ्या निर्भया प्रकरणाचा निकाल लागला असून न्यायालयाने चारही नराधमांच्या फाशीच्या शिक्षेची तारीख निश्चित केली आहे. सात वर्षानंतर निर्भयाच्या कुटुंबला न्याय मिळला असून हा निकाल जर लवकर लागला असता तर मुलींवर अत्याचार करणाऱ्या व्यक्तींवर जरब बसला असता, अशा प्रतिक्रिया नाशिकच्या महिला वर्गाने 'ईटीव्ही भारत' शी बोलताना व्यक्त केल्या.

देशात महिलांवर होणाऱ्या अत्याचाराच्या घटना वाढल्या आहेत. अशात सरकारने शाळा आणि महाविद्यालयात मुलींना स्वरक्षणाचे धडे देणे बंधनकारक केले पाहिजे, असे महिलांनी म्हटले आहे. याद्वारे वेळ पडल्यास कोणाच्या मदती शिवाय महिलांना आत्मरक्षा करता येईल. त्याचबरोबर, मुलांना महिला सन्मानाचे धडे देखील दिले पाहिजे, असे महिलांनी सांगितले. महिलांवर होणाऱ्या अत्याचाराच्या घटनांचा निकाल फास्ट ट्रॅक कोर्टात लावण्यात येतो. मात्र, यातसुद्धा न्यायालयाकडून अनेक तारखा दिल्या जात असल्याने पीडित महिलेला न्याय मिळण्यास उशीर होतो, असे महिलांचे म्हणणे आहे.

एकटी रात्री उशिरा कामावरून घरी येतांना महिलांच्या मनात स्वत:च्या सुरक्षेबाबत भीती असते. ज्या दिवशी महिलांच्या मनातील भीती दूर होईल त्या दिवशी खऱ्या अर्थाने शहरात महिला सुरक्षित आहे, असे म्हणता येईल, असे मत देखील नाशिकच्या महिलांनी मांडले आहे. महिला अत्याचाराच्या बाबतीत कायदे अजून कठोर व्हावे, अशी मागणी यावेळी महिलांनी केली आहे.

हेही वाचा-पारंपरिक शेतीला फाटा देत शेतकऱ्याने केली 'आल्या'ची शेती; वर्षाला ४ ते ५ लाखांचा नफा