नाशिक ; सिडको परिसरात चोरट्यांचा सुळसुळाट

रविवारी सायंकाळच्या सुमारास आपल्या घराबाहेर शतपावली करत असलेल्या एका महिलेच्या गळ्यातील सोनसाखळी ओरबाडल्याची घटना ताजी असतानाच सोमवारी सायंकाळी नगर परिसरातील हिरे विद्यालयाच्या बाजूला असलेल्या एका घरात चोरी झाल्याची घटना घडली आहे.

नाशिक- शहरात दिवसेंदिवस चोरीच्या घटनांमध्ये वाढ होत आहे. रविवारी सायंकाळच्या सुमारास आपल्या घराबाहेर शतपावली करत असलेल्या एका महिलेच्या गळ्यातील सोनसाखळी ओरबाडल्याची घटना ताजी असतानाच सोमवारी सायंकाळी नगर परिसरातील हिरे विद्यालयाच्या बाजूला असलेल्या एका घरात चोरी झाल्याची घटना घडली आहे.

यावेळी चोरट्यांनी घरामध्ये असलेला सुमारे दोन तोळे सोन्याचा ऐवज आणि मुद्देमाल लंपास केला. दरम्यान घटनेची माहिती मिळताच स्थानिक पोलिसांनी घटनास्थळी धाव घेतली असून गुन्हा दाखल करण्याचे काम सुरू आहे. श्वान पथकाकडून या घटनेचा तपास करण्यात येत आहे.