नाशिक- घराच्या अंगणात झोपलेल्या कुत्र्याच्या पिल्लाला अलगद उचलून नेत बिबट्याने त्याची शिकार केल्याचा भयावह प्रकार निफाड तालुक्यातील भुसे गावात घडला आहे. ही संपूर्ण घटना सीसीटीव्ही कॅमेऱ्यात कैद झाली आहे.
गेल्या वर्षभरापासून नाशिक जिल्ह्यातील विविध ठिकाणी बिबट्याचा असल्याचे सातत्याने समोर आले आहे. यामुळे नाशिकला बिबट्यांचे शहर म्हणूनही ओळखले जात आहे. शुक्रवारी रात्री बारा वाजण्याच्या सुमारास निफाड तालुक्यातील भुसे गावात राहणाऱ्या मोतीराम सोनवणे यांच्या घरा बाहेर कुत्र्याचे पिल्लू झोपलेले असताना त्याठिकाणी लोखंडी कुंपण ओलांडून बिबट्याने या कुत्र्याच्या पिल्लांची शिकार केल्याची घटना घडली आहे.दरम्यान शिकारीचा हा थरार परिसरातील सीसीटीव्ही कॅमेऱ्यात कैद झाला असून यामुळे परिसरात भीतीचे वातावरण निर्माण झाले आहे.
बिबट्याकडून घराबाहेर झोपलेल्या कुत्र्याची शिकार